Charles-André-Joseph-Marie de Gaulle (pronunciación) (?·i) (22 de payares de 1890, Lille – 9 de payares de 1970, Colombey-les-Deux-Églises) foi un xeneral, políticu y escritor francés, presidente de la República de 1958 a 1969, figura perimportante na historia contemporánea de Francia y Europa.
Col rangu de capitán lluchó na Primer Guerra Mundial, u foi apresáu y firíu en delles ocasiones. Durante'l periodu d'enteguerres exerció estremaos cargos militares, en particular el de secretariu del Conseyu de Defensa Ñacional (1937 - 1940), embaxo'l mandu del mariscal Pétain. Énte la llucha del so país escontra los invasores alemanes durante la II Guerra Mundial, fundó nel so exiliu en Londres el movimientu "Francia Llibre" refugando al gobiernu de Vichy y siguió cola llucha dende les posesiones coloniales y la Resistencia. Tres de la lliberación de Francia, lideró'l gobiernu provisional de la República hasta 1946.
En 1958 foi nomáu Presidente la República y durante'l so mandatu hebo face-y frente a la guerra arxelina, la renovación del sistema políticu cola instauración de la V República, la impulsión del proyeutu européu o'l movimientu social de mayu de 1968, hasta la so dimisión en 1969.
© MMXXIII Rich X Search. We shall prevail. All rights reserved. Rich X Search